Blogs

view:  full / summary

Felicitas le a fa le pasarih.

Posted by salaihute on February 26, 2012 at 4:30 PM Comments comments (0)

Roman Emperor Antoninus Pius in Christian pawl hremnak (persecution) a thawk sal tik ah milem biaktu tampi in christian nu hmei Felicitas timi nu ruang ah emperor cu an complain ciamco. A mah le a fa le pasarih, Januarius, Felix, Philipus, Sylvanius, Alexander, Vitalis le Martialis pawl in mitampi Christ Jesuh hnen ah an hruai.

Emperor in Felicitas le a fa le pasarih ih case kha Rome ih supreme court hotu bik Publius hnen ah a kuat.

Publius in Felicitua cu mi tampi ih upat zet mi si kha a theih tik ah a nunnak zuah a duh. An sungte in a inn ah a ko hai ih, "nan zumnak nan phatsan asilen thihnak ihsin nan luat thei ding ih lian nak pawl nan nei ding, curuang ah nan zumnak phahsan uh" ti in a lem ciamco.

Asinan Felicitas in, "an zumnak an thawn thei lo thu, ka thin lung sung ah Thlarau Thianghlim a um zo ih nunnak power in pek, tukforhnak pawl tuar thei nak in pek ih ka par ih na tuah ding mi pawl tla a mah ruang ah ka zumnk ruang ah ka tuar ngam a si," ti in let. Cui hnu ah a fa le hnen a hoi ih a mah vek in zumnak ah fekzet in um ding in a sim hai.

Publius cu a thinheng tuk ih Felicitas cu thawi ding in order a pek. A fa le pawl kha pkhat ciar in a ko hai ih sir aw ding in le an zumnak tan san ding in a lem hai. A fapa upabik Januarius, a ko hmaisa. Januarius in hitin a let. " Nang ih in tuah ter duh mi cu atthlak za rori a si, sinan ka zumnak cu Jesuh Christ ah a thum aw a si ti kha ka phuang ngam a si. Curuang ah cuvek tihzahnak ihsin tla in kilkhawi ding a si," ti in a let. A nau le pawl in cutin an let ve.

Publius in Emperor hnen ah roman pathian hnen ah an thawn duh lo thu le Jesuh an el duh lo thu report a pek. Emperor Antoninus in an zaten that theh ding in thu a pek. A fa le kha that hmai sa in Felicitas kha a fa le an thah lai a hmu tu si ding ah netabik ah thah dinh in a fial hai.

Januarius kha thir hlum pawl le a zim a hriam mi thawi nak ( the passion of the Christ movie sung ih Bawi Jesuh an thawi nak hri vek in ) a thih tiang an thawi. Felix le Philipus cu fung hrio ih an thih tiang an thawi. Sylvanius cu lungto tam zet tlangzim ihsin a lu in an thlak. Alexander, Vitalis le Martialis pawl cu an lu an tan.

Felicitas, a zumnak a tansan dah lo tu cu thlali hnu ah an thah. A zumnak cu ziang hman in a siat thei lo. Thlarau Thianghlim in kan thinlung sung ah hna a tuan ah cun kan zumnak cu meisa vek in a kang ih cumi cu ziang hman in a siat suah thei lo. Felicitas ih zumnak cu cawng cio uh si. 

Pathian hmin thangthat in um ko seh.

Paul ih a theih fiang mi thu pathum.

Posted by salaihute on February 12, 2012 at 9:00 PM Comments comments (0)

PAUL IH A THEIH FIANG MI THU PATHUM

2 Tim.1:11.12

 

Paul hint hi tampi theih mi cu a nei ko. Cu mi lakah hi 2

Timothy 1: 11.12 sungih a theih mi vial hi kan thazang laknak dingah

le kan cawn dingah kan zoh tlang ka duh.

 

1.A hnatuan ding a thei

Paul cun Zentelpawl hnenih

thuthangtha sim tu ding ka si a mah le mah a thei aw. Phundangih kan

sim a si le a hnatuan ding diktak a thei fiang a si. Paul ih a hnatuan

ding mi a theih fiang thu hi ngai nuam le cawn tlak a si. Minung cu

zokhal kanmai hnatuan ding mi kan theih feng lawngah cuihna ah cun kan

hmang aw thei a si. Kan tuan ding mi hna thei loih kan um ih a rem

cangcang tuan mai tu kan si ah cun mi hnawksak ah kan cang thei.

Curuangah zumtu kan tuan ding mi hna hi Paul bangin theih tum uh

si. Zumtu tampi cu mai hna thei fing lo kan tam tuk a bang. Kan tuan

ding mi hna kan theih a si ah cun cui hna parah lungawi zet le,tha

thozet in kan tuan thei ih,cuihleiah mi ih an tuan lo khal le kan

ngawn thei lo. Asan cu kan mai hna a si ruangah. Zumtu nangteh ziang

si maw na tuan ding mi hna cu. Na tuan ding mi hna na theih feng hnuah

cun mi dangpawl tuan dingah tun hlah law nangmai hna a si kha.

 

2.A zum mi

Paul cun a zum mi a thei fiang tuk. Paul hin a zumnak

si lo in a zum mi a si fiang zet ih a thei mi cu. Cui a zum mi cu zo a

si, ziang a si ti a theih feng ruangah dung sip a tum lo ih, a zum mi

cun cahnak a pe theu a si. Paul in a zum mi a theih feng ruangah

ziangvek a parih a thlen hmanah ningzahnak fate hman a nei lo.

Zumtu nangteh na zum mi na thei fiang ve maw? Zum mi kan theih

feng lo cun cahnak kan nei mal ih a tul lo mi khal ah kan ning tla a

zak ciam co. Ka zum mi in ziangvekin keimai ruangah ah a tuar ti

le,ziangvekin keimai ruangah minung dan ih mual phonak a tuar ti kan

thei lo thu a si. Cupawl cu ka zum mi pa in a tuar thluh ti theih cun

amah ruangih ningzaknak tipawl hi cun in buaiter nawn lo ding.

Kan zum mi kan theih feng cun kan ral khal a tha ih, amah khal kan

tan thei. Curuangah kan zum mi thei fiang dingin thlacamnak thawn

Bawipa naih uh si.

 

3.Pathian rinumnak

Paul hin Pathian cu a rinum a si ti fiang

tukin a thei. Pathian rinumnak a theih feng tuk ruangah a hnenah thil

ziangkim in a kawlter a si. Pathian rinumnak theih hi ziang tlukin a

thupi ti cu Paul ih nundan hin kan thei thei. Zumtu tampi cun Pathian

rinumnak hi kan nunnak taktakin kan tem lo. Pathian cu ziangtik lai

khalah a rinum a si.

Zumtupawl in Pathian rinumnak kan theih feng ruangah a hrangah

kan rinum thei ve a si. Zumtu rinum lopawl khi Pathian rinumnak thei

fiang lopawl an si theu. Kan Pathian rinumnak kan theih feng mi hin

kanmah ah thlangamnak maksak in thlen a si. Vawi tampi thinphang le

helhkam emem ih kan buai ciamconak hi Pathian rinumnak kan hngilh pang

ruangah ah a si theu. Pathian cu ziangtik lai khalah a rinum ringring

a si. Cucu hngilh hlah uh si.

 

Evan Lal Eng Lian

Leitlun ih tleunak

Posted by salaihute on January 28, 2012 at 7:30 PM Comments comments (0)

LEITLUN IH TLEUNAK

14“Nannih cu leilung pumpi hrangah tleunak nan si. Tlangpar ih tohmi khua cu thuh a theih lo. 15Zohman in mei-inn an van tikah khengkuum an khuh dah lo. Mei-inn vannak tung parah an vang. Cutiin inn sungih a ummi zate hrangah tleunak a si. 16Cubangtuk in nan tleunak cu mi hmaiah tleuter ding nan si. Cuticun thil ṭha nan tuahmi cu mi in an hmu ding ih vanih a ummi nan Pa kha an thangṭhat ding. Matthai 5:13-16

Ziang vek tleunak ha na si? Nang mahten na sut aw dah maw? Na tleunak hi midang in thaten le felfai ten zoh lawng ah an hmu thei mi na si maw? Lolen, khan sung ah na lut veten khan zaten a tleu theh mi tleu nak na si maw? Khui tawk kan um khal ah Christian pawl cu a tleu zet mi mifar kan si a tul. Fate zet mi a si hman ah a kang ring ring mi meifar kan si ding kha a thu pi zet.

A thim mi kha tleu ter ding ah cun kan mah hi a tleu tu kan si a tul. Cu lo cun Pathian ih thlawsuah pawl kan hmu thei lo ding. Pathian in kan nunnak ah ziang si tuah a duh timi hi fiang ten le tha ten kan hmu thei lo/ thei thei lo. Minung thinlung ah Thlarau Thianghlim in hna a tuan ding timi le Pathian hnen ah rinsan um zet mi a milai pawl si ding in Pathian in a duh. Pathian in kan hnen ihsin ziang hman hei mi a nei lo. A mah rinsan ding lawng kha a si.

Zumtu na si cun Pathian hrang ah special zet mi na si. Pathian ih inn sungsang na si, Thlarau Thianghlim in a lo um pi ih a tleunak in na sung ah a tleu a si. Na hna tuan nak ah, na tlawng kai nak ah, na inn sungsang ah Pathian in na ruah ban lo in hna a tuan ding. Kan lam ih kan tuan ding mi cu a tleu nak kha hmun tin kim ah tleu ter ding kha a si.

Bawipa hi tawk ah ka um, ka nunnak ah na duh bang in hna tuan aw, na duh mi in run sim aw, tin thla kan cam ih kan ap aw ah cun Pathian in kan hnen ah hna a tuan ding. Pathian in a zumtu a fale pawl hrang ah hnatuan ding in a man ring ring.

Leitlun ih tleu nak si ding ah Pathian hnen ihsin tleunak meifar na sung ah vang ter aw.

Pathian hnin thangthat in um ko seh.

 

Pathian ih missionry kan si.

Posted by salaihute on January 28, 2012 at 7:25 PM Comments comments (0)

Pathian ih missionary kan si.

 

 

Zumtu na si ah cun a sunglawi zet mi Bawi Jesuh ih taksa pakht na si ve. Pakhat cio in maw,mitam pi komin maw, ziangvek va si khal ah kan hnen ih Pathian a duh mi cu hi leitlun ah Pahtian ih tleunak cu mi hmuahhmuah hnen thleng ding in sim ding, tleu ter ding hi a si. Mi tam pi in Biakinn ( church ) cu social tuah nak, tawng aw khawm nak men ah an ruat. Bibe in cutin a sim lo. A can can le biakinn kan feh tik ah, thangthatnak hla sak, thlacam, sermon ngai, fellowship tuah le biakkhawm, cu theh in kan tlung men ih kan nunnak ah ziang hman tha zang ngah mi tla kan nei lo. Zarhtin ten kan tuah ring ring ih a rei cun kan ning mei. Kan hrang ah khawm timi hi san a nei lo. Ziang ruang ah kan khawm, ziang ruang ah fellowship kan nei timi hi mi tampi in kan thei lo. Vitamin a sam ring ring mi vek a bang.

Bawi Jesuh in nunnak thuthangtha cu sim ding in kan hnen ah tuanvo tum pi in pek a si. Hi kawh nak cu missionary pawl hrang ah lawng a si lo, zumtu kan zaten hrang ah a si. Kan mission field cu ram dang ah missionary thlah lawng in a tawk lo ih kan inn sungsang, rualpi, hnatuan pi, kan biakinn, kan community, mino pawl, nauhak pawl, nubu pawl, upa pawl, an zaten hi kan mission field an si thluh. An zaten hnen ah Bawi Jesuh ih thuthangtha sim ding kan si. Kan unau, mino tete pawl biakinn an pan lo ih leitlun nuam nak ah an tlan len tikah ziang ruang ah zu le sa le leitlun nuamnak hi an thlah thei lo ti hi ruat ding tam pi a um. Hruai tut ha an nei lo ruang ah maw? An nun sung ah Pathian thu in a khat lo ruang ah maw? Zumtu an si ko nan rundamnak an ngah lo ruang ah maw? Ti hi thu tampi ruat ding a

Bawi Jesuh van ah a kai hlan ah, a dungthlun tu pawl hnen ah 19Curuangah feh uhla miphun hmuahhmuah ka dungthluntu va siter uh; Pa le Fapa le Thiang Thlarau hmin in baptisma va pe uh, 20Cule ka thupekmi hmuahhmuah thlun dingin va zirh uh. Hngilh hlah uh, san a cem lai hlanlo nan hnenah ka um ringring ding,” tiah a ti. Matthai 28:19-20. A ti vekintuni ah tla Bawi Jesuh cu kan hnen ah in um pi a si. Kan mah ten cangvaih dingin in tan ta lo. Thlarau Thianghlim kan hrang ah in pek a si. A can can ah cun kan thin har, kan beidong, kan riahsia can ah Pathianin in tansan si ke maw? Pathian khui ah na um? Tiin kan ko, kan au thew. Pathian cu kan sung ah a um ring ring a si. Thla kan cam tik ah a thei lo ding phang ah maw, a aw thei duh ah maw, kan au, kan hawl thew. Kan thinlung ten thla kan cam mi hi Pathian in a thei thluh a si. Kan hmu thei lo khal le kan hnen ah a um ring ring timi hi zumnak ( fath ) a si. Zumnak timi cu Pathian in a tuah thei timi kha zum si lo in Pathian in a tuah ding timi kha theih a si. Curuang ah kan nunnak ah Pathian in nasa zet in hnatuan a duh ruang ah kan thin lung sangkaa ongin in fialmi kha tuah uh si.

Hi leitlun pi rundam si ding ah kan nih tla a tuan tu pakhat kan si ve hi a va sunglawi so. A tluk mi pawl tho ter tu le, a thei hrih lo pawl thei ding ah, nunnak thar ngah nak ding ah le a thuthang tha sim tu si ding ah Pathianin tuanvo in pek a si. Ziang kim kan tuah tik ah rinsan tlak kan si hi a tul zet. Culawng ah Thlarau thianghlim in mak zet in kan hnen ah hna a tuan thei ding. Nan hnen ah kumkhua in ka um ding timi thukam vek in tu ah tla kan hnen ah a um rero a si. Nang teh na nunnak ah na tep ngah zo naw?

Pathian hmin thangthat in um ko seh.

 

Semtirnak bung 14 rel khawm mi ka lo hlawm.

Posted by salaihute on January 21, 2012 at 11:35 PM Comments comments (0)

Pu Thu Mawi tei inn ih bible study kan tuah mi ka lo hlawm ve. 1/21/2012 8:00 pm to 9:30 pm.

Tuzan bible study cu Semtirnak  bung 14 a si ih kan hlawk nasa. Thazang ka ngah mi te lo hlawm ve ka duh. Lot cu a mah duh zawng lawng zoh in Pathian ih duhzawng a zoh nawn lo ruang ah a um nak ah harsatnak lawng in a khat. A mit ih hmuh thei mi lawng hi tha tawk ah a ruat. Sodom le Gomorrah khua cu mit hmuh ah cun an tha zet nan nikhat ni ah cun a hlo ral thluh. Nitin kan nunnak ah hril ding tam pin kan nei ve. tusan ah Sodom khua cu kan thin lung a si. Kan hril sual ih buai nak le harsatnak kan tong ah cun Pathian hnen ah kan sir aw sal ding ih lungawinak kan ngah sal ding.

 

Lot cu a pu Abram a hlun ring ring ih thlawsuah a nga ring ring. A pu hnen ihsin a tlan veten harsatnak le buainak a tong cih. Nitin kan nunnak ah Pathian thawn kan feh tlang a si ah cun kan lam a tlung ring ring ding. a mah hnen ihsin kan tlan cun harsatnak in kan nun a khat ding. Melchizedek hi Pathian in puithiam a si ih Siangpahrang tla a si. Abram in then hra then khat a pek ti kan hmu thei. Then hra then khat hi Pathian ih ta a si ih Pathian hnen ah pek ding kan si. Siang bawipa in hitin a ti dah. Nikhat ah Van Lasi hrang ah peanut pawl cabuai par ah ka ret. Cumi sung ihsin pakhat a lak ih kei mah in pek. Cumi in pek mi te hi ka lung awi zet. Pathian tla cu vek a si ve. Kan neih mi sung ihsin then hran then khat te kan pek kha a lung a awi tuk.

 

Abram in Lot a run ti kan hmu thei. Siangpahrang pali pawl in Sodom an lak hnu ah Abram in a va feh in pacang hlir 318 thawn an va do tik an neh. An ral pawl cu an tam zet nan Abram hnen in tang tu pakhat cu an zaten hnak in a tam sawn. Cumi cu Pathian a si. Tu tla hi kan hnen ih tang tu Pathian cu leitlun hnak in a cak sawn a si.

Pathian thawn pawl kom aw tu cu thlawsuah tam pi an tong ti thu hi cabu sung in kan hmu thei. Tuzan ah Pathian thu ngai ding in kan ra pawk cio tik ah Pathian in thlawsuah tampi in pek a si ti mi kan hmu thei. Lot le Sodom khua bang in leitlun nuam nak ah minung tam pi cu an tlan leng rero ih buainak an tawng rero lai a si. Hmai lam ah teh zo ha na hril sawn ding.

 

Cule Kan pastor Uk ih a sim mi pakhat ah, Berian mi pawl cu thuthang tha sim tu pawl an rat tik ah thu dik an sim maw sim lo ti thu kha bible tha ten an zing zoi ta ring ring ti kha a si. Kan nih tla Pathian thu kan ngai tik ah thusim tu pawl ih sim mi kha a dik maw dik lo ti kha bible thawn check ring ring a tul. Berian mi pawl cun Pawl ih thu sim mi khal bible pawl a kaih le kaih lo an check fing fing a si ti kan hmu thei. Curuang ah Pahtian thu ra sim tu hmuah hmuah kha a nih cu a tha zet, a nih tla a tha tho tho ti ding kha si lo ih bible thawn check fing fing ding a si.

 

Tuzan midang pawl an tlun hnu ah Dr.Ting Htay ih Genesis bung 3 zirh nak malten ka vun ngai ih Eden sung ih a um mi hmuah hmuah hi a tha thluh a ti. Even a tree of good and evil hman hi a tha tin a zirh. Cumi lawng si lo in kan Pastor Uk thuzirh mi pawl hi a sual tin a ti cu teh. A tlun ih ka ngan mi pawl ah a sual mi a um maw? Pathian thu lawng lawng si lo sawm. Minute pahra te sung ka vun ngai hman ah zirh sual ti thu ka thei cih.

 

Bible kan check ding fing fing hi a va tul so. Kan ti rero bang in zirh sual pawl hi an va tam so. Pastor Pa Uk ih a ti bang thu thang tha sim tu, van ram thu sim tu pastor kan neih hi a va sung lawi so. Hmaizarh len Pastor Uk tei inn ah a si ding ih Thukam thar bung 15 kan zoh khawm ding. zaten ra pawk cio ding in ka lo sawm.

 

Pathian hmin thangthat in um ko seh

Pathian in hngak hrih aw in ti.

Posted by salaihute on December 26, 2011 at 6:15 PM Comments comments (0)

Kan tulcan te it thil kan ngah thei lohli lo ih kan hngak hi a har zet ka ti. A can can le minute 5 te hngak khal hi a rei thei zet. Harsat kan ton can ah, Pathian kan tul zet can ah thla kan cam kan ko rero nan Pathian in hngak hrih aw in ti. Cuti vek can ah kan nih cun answer ngah mei sehla kan duh. Sihmansehla Bawipa in Saam hlabu sung ah hitin a ti. 

Saam 27:14 Bawipa cu hngak uh; cak uhla, raltha in um uh; Bawipa cu rinsan uh.

Pathian in hngak hrih aw in ti tik ah kan um nak kel, kan tuah mi kel te kha tuah rero in Pathian in ziang si a duh, ziang mi si a tumtahmi ti kha hngak ding a si.

Ziang ruang ah Pathian in hngak hrih aw in ti?

Harsatnak kan ton can, thil kan tul zet can ih hngak hi a har zet cuang. Sinan Pathian in kan thlacam hi ziang ruang ah in amen hrih lo ti hi kan theih fiang a si ah cun a mah kan zum thei ding ih a mah ih can kha kan hngak htei ding. A can can le hmai ah feh vivo ding hi kan ngam lo, Pathian in kan hrang ah tumtah nak a nei. Sinan cui tumtah nak hmun thleng thei ding ah kan thinlung, kan ruah nak a dik lo mi pawl,rem sal ding ah in cawl ter ih chance in pek. Sual kan tuah mi pawl silo len ruah nak tha lo kan ruat mi pawl lo len thil tha lo kan tuah mi pawl kha rem ding in Pathian in a duh. Kan nun hlun kha tanta in nun thar thawn feh ding kha Jesuh in a duh mi a si.

David cu siangpahrang si ding in a nauhak lai ihsin hriak thih asinan, can tampi hramlak sung ah Saul kut sung ihsin tlan in a um. Harsatnak phun kim sung ihsin David kha training a pek rero. Hotu pakhat si ding ah a rem rero. Pathian hnen ah rinsan nak a nei vivo ih ziang kim a tuah tik ah Pathian kha a rawn ta ring ring. Pathian thu lo in ziang hman a tuah lo. Can a kim tik ah Pathian in siangpahrang si nak tohkham cu a pek.

David vek ih kan nih tla Pathian in training tampi in pek ve. Kan hnatuan nak ah boring tuk maw, a mah kan rinsan lo mi kha rinsan ding in, a mah kan rawn lo mi kha a mah rawn ding in harsatnak hmun ah in ret. Sinan nikhat ni ah a tumtahnak hmun ah in thlen pi ding a si. A thlawsuah tampi in pek ding a si. 

Kan zumnak in thang so ter.

Kan duhmi hmuah hmuah in pek thluh sehla a mah kan rinsan nawn lo ding. Zumnak in kan feh nawn lo ding. Abraham vek in Pathian nih ka lo pek ding timi kha kan hmu thei lo khal len zum ding a si. Pathina in a thukam mi a pelh dah lo.

Ziang tin kan hngak ding?

Ka nau Mee Nge sizung ah nau neh ding in a um lai ah hngak nak hmun ( waiting room ) in ka rak hngak. Tunu te Pathian in in pek ding timi zumnak thawn ka rak hngak. Cuvek thiam thiam in kan nih tla Pathian hnen ah kan thin lung hawi in waiting room in kan hngak ve a tul. 

Thin saute, daiten le rinsan ten hngak aw. Hi pawl hi Pathian ih thu ngai tu pawl hrang lawng a cang thiei mi a si. Pathian in kan thatnak le kan hrang ih a tha timi lawng a tuah timi kan thinlung sung in thei sehla, a tikcu le a can kim tikah a thlawsuah kan co leh ding ti hi kan zumnak a si. Pathian thu sung ah kan nemhnget a tul. Bible hi kan nunnak ih lamhruai tu a si. Nitin ten Bible kan siar ding ih a duh zawng kha bible sung ihsin in lang ter dingih, a dik nak lamzin kan thlun thei ding.

A mah rinsan in confident nei zet in kan hngak ding. Pathian hnen ah kan ap aw hnu, a duh zawng in kan nun kan hlan hnu cu a ma kha confident nei zet in kan rinsasn thei. Ziang tik ah ziang tuah ding hi a thei tuk mi Pathian a si. A duh zawng in thilcang ding in a tuah ring ring. Kan nih ih kan tuah ding mi cu a mah kan zum ding ih a mah lam in hruai ding kha thei hi a si.

Can tawite sung lawng kan hmu thei.

America a fast food a tam tuk. Drive thru le zamrang ten check-out tuah thei nak a tam tuk. Traffic ah minute malte sung hman kan hngak peih lo. Ziang kim hi a rang theibik in kan duh. Kan thlarau hrang cun cuvek rang kha a theih nawn lo. Pathian in a tikcu ah thil a tuah ding tin a mah kha rinsan ding in Pathian in a duh. Pathian hnen ah rawn lo in minung le a dang dang hnen ah kan rawn. Lamzin na hlo tik ah minung pa 3 hnen ah direction dil awla phunthum in an lo sim ding. Minung ih kan ruat nak cu an bang aw thei dah lo. Minung cu kan rawn a tul can tla tampi a um ko nan Pathian kha hmasa bik ah ret in a mah rawn ring ring ding kan si. A mah lawng ih thil hmuahhmuah a thei a si. Pathianin in hngilh a si ding, tutiang ziang hman in sim hrih lo tin kan ruat can te ah Pathian cu kan kiang ah a um ring ring a si. 

2 sansiarnak 16:9 Bawipa cun a mah rinsannak thinlung a neitu hnenah thazaan cak pe dingin leilung pumpi hi a zoh ringring a si.

Kan hngak ruang ih thiltha kan nga mi.

Kan lamzin a tluang ding ah le kan tul mi pawl in pek ding ah Pathian kan hngak tikah ziang ha kan ngah? hmaisabik ah thinsau ten a hngak tu pawl ih thlacam cu Pathian in a thei. Saam 40:1 Bawipa bomnak cu ka hngak ringring. Cule i run ngai ih ka aunak a thei. Cule ziang tuah ding mi fiang ten a im cu rin an nih in an thlun thei ding.

Saam 25:4-5 Mawi Bawipa, na lamzin i zirh aw; Na lamzin cu i theih ter hram aw. Na thudik vekih nung dingah i zirh aw; ziangah tile nangmah cu i ruutu na si. Sunvu te nangma ka lo hngak.

Kan zumnak in hnget ter. Thiltha kan tuah suak tikah kan mah le kan mah kan rinsan aw ih kan zumaw zet. Cuti vekih Pathian in a hnen ah rinsan ding in duh. Ziang si in sim duh, ziang si a duh zawng tihi ngai ring ring ding kan si. Cutin kan um tik ah mi hmuahhmuah ih pek thei lo mi hnangam nak, lungawi nak, cahnak pawl Pathian in in pek ding a si. Pathian cu a thu kam mi pawl a siat dah lo ih, a mah a arinsan tu pawl hrang ah thil tha a tuah ring ring a si. 

Isaiah 49:23 Siangpahrang pawl cu nan hrangah pa bangtuk an si dingih, siangpahrang bawi pawl cu a lo tuamhlawmtu nan nu bang tuk an si ding. Nan hmaiah an lu an kuun dingih a lo tihzah ding. Cutiah kei mah bu Bawipa ka si kha in thei ding; keimah bomnak a hngak tu pawl cu an bei dong lo ding, tiah a ti.

Pathian in thlawhsuah in pek hram seh. zumnak in nghak uh si. Amen!

Christmas hi kan hrang ah ziang a si?

Posted by salaihute on December 11, 2011 at 1:00 AM Comments comments (0)

 

Christmas hi kan hrang ah ziang a si? ( what does Christmas mean to us? )

 

Bawi Jesuh hi leitlun a rung tum lai ah Judah miphun pawl hi rundam an tul lai fang a si. Asinan a rung tum ngai ngai ah cun thlarau lam runtu hnak in taksa le ram runtu ding ah an rak duh sawn. Siangpahrang inn ih suak ding kha caw kuang ret nak a niam bik ah a rak suak. Mi fim, mi lian le politics thiam pawl thawn pawl lo in mi farah, rukru, misual le hlawhhlang pawl thawn a pawl sawn. Bawi Jesuh kha thlarau rundamtu ding ah an rak ruat lo. A tul tla an ti lo. An fimnak le an thiam nak in a tlin ko ding van ram kai nak ah a dang a tul lo tin an rak ruat.

Tu kum ah Jesuh kan hnen ah a rung suak lala. khua hlan bang in Bawi Jesuh kha hmai ton in kan el lo nan kan thin lung le kan ruat nak in kan el. Hi leitlun thilri pawl in kan nunnak in luah khat tuk ih suak kan tum nawn lo. Judah mi pawl bang in Bawi jesuh kha kan nun nak ih Bawi ngai ngai si ding ah kan duh lo. Kan duh vek in kan nung duh sawn.

Tu kum ah Jesuh in ziang si in dil? What does Jesus demands from us this year?

Judah pawl hi Pathian thei tu le dan thluntu pawl an si. Kan nih tla zumtu kan si ve. Christian sinak dan le dun pawl kan thei ve. Ziang si kan dang awk nak? Kan nih in Bawi Jesuh kha rundamtu ah kan pom. Judah Iscariot bang in hriam nam king in cozah do ding ah cun tu san ah a tul nawn lo. Sinan do tu cu kan nei ring ring. Jesuh kan lam tang in in do pi ve ding in kan duh. Kan ruat dan vek a si lo tik ah kan thin a heng ih kan riah a sia. Thil hmuah hmuah tuah tul lo le tha zang suah tul lo in tuah thluh thei sehla kan duh. Hnatuan tul lo in paisa tampi nei sehla, Lottery tla tampi ngah sehla kan duh. Kan duh nak vek in a cang lo tik ah depression kan ngah. Judah Iscariot bang in kan mah le kan mah tla that awk kan tum si lo sawm. Bawi Jesuh in kan thlarau lawng si lo in kan taksa tla run dam in duh. A mah bang in tuah mi kan si ih a mah vek in thinlung pumkhat le ruahnak pumkhat si ding ah a duh.

Christmas hi Bawi Jesuh ih suah ni (jesus’ birthday) a si lo, ziang ah tile Bawi Jesuh cu kan thinlung sung ah a um zo. Minung ah a rung cang mi (reincarnation) a si ih khai hlan ah a um cia mi a si. Bawi Jesuh in suahni (birthday) a nei lo. A nih cu alpha le omega a si. Kan thinlung sung ah a um zo. Wow!! a mak nasa ti uh law. Ziang ruang ah saw kan thinlung sung ah a um duh? Kan nih hi khua hlan ih Israel pawl thawn dang awk nak ziang hman kan nei lo. Sinan kan hnen ah Bawipa cu a um duh tho tho. Himi thu ah kan pastor Rev.Dr. Khaw Lian Uk ih thu sim mi ka run ngan ding.

“ Pathin cu minung ah a cang. John 1:4-6. Pathian hi minung ah a cang ti hi ka ruat tik ah a mak ka ti zet. Minung hi ziang ha kan si ruang ah Pathian in cutluk lawmamin in duh thei? Tahthim nak ka lo pe duh mi cu, Sinpi Hran Thang cu a piang tuk a mawi tuk ih Vancung fala Ai Thang Vel in a zoh tik ah a piang tuk ruang ah a mawi tuk ruang ah van lasi sinak tan ta in pitar vun a hruk ih lei tlun ah a rung tum ti a si. A nih Ai Thang Vel ( Van Lasi) in ziang ruang ah leilung ah a rung tu, ziang ruang ah ti le a mawi tuk mi Sinpi Hran Thang kha a ngai zawng ruang ah a si. Sinan Bawi Jesuh leitlun ah a rung tum timi cu ziang ruang ah si ti le kan mawi tuk ruang ah si lo. Kan nih vek Bawipa in in duh ih leitlun ah minung a can paih hi mang bang za a si. Curuang ah a mah thangthat ring ring ding kan si. Kan nih vek minung pawl van Cannan thleng thei ding ah a har bik mi thihnak tuar ding ah Jesuh Khrih cu a rung tum a si. Pathian hmin thangthat in um seh. Kan mah hnen ihsin ziang ha a lak ding ih kan mah hnen ihsin ziang si a duh mi a um? Kan nih ihsin ziang si seherh thluah thloh in leitlun ah a rung tum ti sile, a nih hi a seherh bik mi cu ziang ha ti a si le, hitin tah thim nak kan lak ta ding. Unauza kan um ih kan lak ihsin a tontai bik hi ka nu in a seherh cuang. Midang cu kan dam, kan cak, kan suk kan so thei . ka nu in nan nau tabik hrang ah tla ruat ve uh maw in ti ring ring. Kan lak ihsin a ton tai bik hi ka nu in a seherh bik a si. Cuvek in kan nih tla hi kan nih khal hi Bawipa in in tan ih hell ram kan thleng ding hi in siang lo. Kan mawi kan that ruang ah si lo in a zangfah nak sawn ruang ah leitlun ah minung sinak cang in thihnak hrial thei mi a si ko nan hrial lo in a duhdawtnak sawn in leitlun ah a rung tum nak a si. Curuang ah Pathian hi minung a cang timi hi nang mah le kei mah in duhdawttuk ruang ah a si. Cumi in duhdawt a si ti thei in, Jesuh Khrih in in duhdawt ruang ah kan mah hrang a thi ti kha pianthar nak a si. Van kai nak a si. Mi piangthar le piang thar lo kan dan awk nak hi mi piang thar in kawl kan ur thei sawn ruang ah si cuang lo. Tong kan an thiam, khabeh sep an thiam ruang ah si lo. Bible tla an siar ih kan hmuh lo mi kha an hmu thei ruang ah si cuang lo. Mi piang thar pawl hi ziang ruang ah an piang thiar ti se le cun kei cu ziang hman ka si lo ih Jesuh cu ka hrang ah a thi si ti hi zum tawp kha pian thar nak a si. Curuang ah leitlun ah a rung tum nak a si kha john bung 6 sung ah tha ten kan hmu thei.

11 sung ah cun minung ah a rung cang nan Jesuh an co hlang lo timi kan hmu thei. Himi hi ka ruat thew, khai san lai ih Judah pawl lawng si lo, tuisan khal ah Christian ka si ti aw cing khal in Jesuh an co hlang lo mi tam pi an um. An khawm thew, hla an sak ve, mihnen an um thew ko nan a tak tak ah cun, Jesuh an nunnak ih a vun luah khat ngai ngai ding si ah cun, an nunnak ih Bawi ngai ngai a si tak tak ding cun nan cu um hrih aw, nan cu um hrih ko aw an ti. An nunnak kha Jesuh hnak in thupi sawn ah an ret. Kan nunnak hi Jesuh hnak ih thil thupi sawn kan ret mi a tam a si ah cun Jesuh kan nunnak ah a um nan kan hna a ngam thei lo. Jesuh ih man that zia, a sunlawi zia le a tha zia kan theih ngah hnu lawng ah ka bawi a si ti kan thei thei. Jesuh lawng hi kan hrang ah a thu pi bik a si. Jesuh nei tu kan si hi mi van tha bik kan si. Jesuh hi mi men men a si lo. Nisuak nak ih mifim pawl in an buak pi mi, leitlun mi ih buai pi mi Jesuh kan hnen ah a um a si”.                 (Salaihute tei inn ah mino bible study kan tuah lai John bung 1 nak kan rel khawm lai ta lak mi a si.)

Jesuh kan sung ah a um maw? Tukum Christmas ni ah Jesuh hi a thu pi bik maw? Kum liam cia bang in nuam cen nak sung ah maw kan um lai? Bawi Jesuh kan hrang ah a suak maw? Tikcu in mi a hngak lo tu hi can tha bik a si. Bawi Jesuh cu kan hrang ah kan thinlung ah a suak zo. Zum awla rundam na si ding.

Pathian hmin thangthat in um ko seh.

Pathian ih zangfahnak Tirhthlah 15:6-11

Posted by salaihute on December 4, 2011 at 11:05 AM Comments comments (0)

Pathian ih zanfgahnak

Tirhthlah 15:6-11

Curuangah tirhthlah pawl le kawhhran upa pawl cu cuih thu ruat dingah an tong aw khawm. Caan reipi an el awk hnuah piter a ding ih, " ka u le ka nau tla, nan theih zo vekin kei hi nanmah lak ihsin Zentail mi pawl in Thuthang tha an theih ih an zum thei venak dingah thuthang tha na henih sim dingah Pathian in i hrilnak a rei zo. Cule mi hmuahhmuah ih ruahnak a thei thehtu Pathian pomnak cu kan hnenih Thlarau Thianghlim in pek vekin an hnen khalah Thlarau Thianghlim a peknak in a langter zo. Pathian in anmah le kanmah karlakah thleidannak zianghman a nei lo; an zum ruangah an sual nak khal a ngaidam a si. Cuti a si ruangah ziangah so kan pu le kan pa pawl in siseh, kanmah khal in siseh kan phurh thei lomi thilrit cu zumtu pawl ih zaang parah suang tahratin Pathian cu hniksak nan duh? Asilo! Kannih hi anmah vek thotho in zumnak kan nei ih Bawipa jesuh ih zaangfah thinpemnak thawngin rundamnak kan ngah a si," tiah a ti.

Zumtu kan si vekin rundam kan si mi kha Pathian ih zangfahnak ruangah tin kan zum. Asinan zangfahnak sung ah cun a tu hi kan um. Rom 5:2 hi ziang si a ti nak san? Nitin kan nunnak ah ziang tin kan thei thei? A bik in harsat kan tuar lai can ah.

 

  1. Pathian ih zangfahnak in kan thinlung sung ah milai ih ruah ban lo le theih ban lo mi thazan (power) in pek. Cutin harsat kan tuar nak pawl cu tuar thei nak thazang kan nei. Buainak kan tong lai can khal ah Pathian hnen ah lung awi thei nak kan nei.
  2. Zangfahnak in Cungnungbik Pathian hnen ah zumngamnak, rinngamnak (confidence) cu kan nei ring ring  ding in  in tuah.
  3. Nitin kan kekal nak ah kan hnen ah a um ring ring timi kha rinnak kan nei.
  4. Pathian ih in kilven nak le in um pi nak, in zangfahnak pawl kan theih tik ah mi dang harsatnak nei/tuar tu pawl hnen ah zangfah duhdawtnak kan nei.
  5. Thinlung kuai le mitthli thawn kan um can khal ah Pathian in kan hnen ah mangbangza thil a tuah ih zangfahnak thawn hna a tuan tik ah kan ruatnak le kan si nak pawl an thleng aw tik ah midang pawl in Pathian ih hnatuan nak cu an hmu thei ih Pathian an thangthat.
Nitin harsatnak pawl cu kian theih, hrial theih an si lo. Harsatnak le buainak sungih  kan um lai ah Pathian ih laksawng in a netnak ah in rak hngak ring ring timi kha zumnak thawn feh ring ring ding kan si. Kan cahnak le kan thazang lawng kan rinsan ah cun buainak, harsatnak kan tuar tik ah thin naunak le a sung pek nak, tuar thei lo nak pawl in kan nun ah a khat.

Can tampi ah minung pawl cu rundam si ding ah Bawi Jesuh cu an ring nan cui hnu ah mah ten lam kar an tum ring ring. Pathian ih zanfgahnak cu rundam kan si ding ah a tul ah cun nitin kan nunnak ah kan hrang ah a tul ring ring a si. Pathian ih pekmi cahternak thazang kan neih lawng ah nitin kan nunnak ah nehnak nun, a thianghlim mi nun cu kan ngah thei ding.

Pathian in thlawsuah lo pe hram seh.

Bawi Khrih hmin in,

Salaihute
ACBC Mino Chairman.
678-334-9606
[email protected]
www.facebook.com/laimetal

 





Youth Mission Concert

Posted by salaihute on November 14, 2011 at 10:45 PM Comments comments (0)

Dear ACBC,

ACBC Mino ih tuahmi youth mission concert cu tuzarhte ni 11/10/2011,

7 pm - 10pm ah tuah ding a si.

ACBC music group le kohhran dang dang ih music band pawl thawn thangthat nak hla sak ding kan si.

himi kan tuah sung ah sum khawn nak tla a um ding, rawl thaw thaw tla man awl ten lei a theih ding. Sermon CD tla a ngah thei ding.

lung awi.

bible study pu hau tei inn ah

Posted by salaihute on October 31, 2011 at 10:50 PM Comments comments (0)

Deat all,

tuzarh sat zan bible study cu kan secretary pu hau lian tei inn ah a si ding.

genesis bung 9 kha rak siar cio ding in ka lo sawm duh.

khawm thet in choir zir nak a um cih ding ruang ah tuanten ra pawk cio ding in ka lo sawm bet.

lung awi.


Rss_feed