Members Area

Recent Blog Entries

Recent Prayer Requests

  • cba na consultation meeting, greenville sc ih feh ding pawl.

    Tuzarhte ni 1/14/2012 ah Greenville SC ah CBA, NA ih hoha nak in leadership consultation meeting cu tuah ding a si. cu tawk ah acbc ihsin Rev.Khaw Liian Uk, Pu Tinko, Pu Hau Lia...
  • Nute leh an unau za hrang ah thlacam sak ding.

    Nute ih pa, Pu Vai Lian Thang kum 50 cu lung natnak in Ti Ngo khua ah mual in liam san ih a tan ta mi inn sung sang pawl hrang ah thlacam nak in bawm uh si. Pathian in hnangam n...

Recent Videos

39 views - 0 comments
281 views - 1 comment

Testimonials

  • "God is always good to me. He gives me a good family."
    salaihute
    God is good to me.

Recent Photos

Newest Members

Donate!

  • 0.00%
    ACBC mission fund Goal: $100000.00 0 donations

                       ACBC Mission, Church, Nubu le Mino

 Thuhmaihruai:
               Evangelism & Mission Committe ai-awh in 2011 kumthar cibai buk phahin thlazacamcak thawn nan kut ka lo kai hmaisa.Atuvek in nan hnenah "Kumcem Report " tuahnak caan tha in pektu Pathian ka thangthat. ACBC sungtel pakhat cio hnen khalah Pa Pathian hnenih duhdawtnak le thlawsuah malsawm peknak thleng hramseh.

E & M cangvaihnak:

Pathian zaanggahnakin 2010 sungah crusade / Revival voili tiang tuah theinak kan neiih  Pathian kan thangtthat.
Cuvekin ,thuthang tha simtu ( speakers ) pawl hnenah siseh,ttanpitu E&M sungtel siseh, Khrrihfa upa siseh,sungtel seenpi

hnenah siseh tampi kan lungaw asi,
                                          Rev. Sai Kyaw Tint          February   zarh hmaisa nak ,2010
                                          Rev. Tha Nei Fai             February   zarh thum    nak ,2010
                                          Rev. Mike Zung Ceu        September  09-16  to 09-19 , 2010
                                          Rev. Bawi Ceu                November    ,2010
 Cu lawng siloin kan  Pastor Rev.Khaw Lian Uk khalin inn tinkim ah Home Crusade in nei sak thei ringring ih...Sungtel sungin thlarau lamih hrintharnak nei hrih lomi hrangah piantharnak,piantharnak nei zotu sinain phurnak nei thei lotu hrangah tthangphawknak , le thlarau lam derdaimi hrangah hardamnak le hmasawnnak a um tin kan hmu. 
                
 Ramleng Hnattuan: E&M oversea hnattuannak sungah 2010  kum September thla ihsin thok in Yangon ih ummi
Rev.Robert Thawng Hlei te ih Chin Baptist Church ,Yangon ,    pawl thawng kut kai aw in Thlarau hlo tampi Pathian hnen ah hruai kir sal thei ding hrangah ,,, "Thanatgone Mission Field "   kha ACBC pawl in kan mission hnatuan nakah kan lak. Thanatgone mission field cu Bago division sungah a um mi khua asi ih Natthalin in Peng 3 lawng a hlat mi khua asi,
Yangon ih peng 135 a hlat ih Pyi thleng hlan deuh te ah asi ih motor cun nazi 5 hrawng in thleng theih ,Kawl mi rori an si ih inn 350 ummi khua asi    , tipil cia mi 40 lenglo an um zo ih ,mission hna a tuan rero tu cu saya Kyi Khaing ( an mah khua mi kawl ihsin pyaungle mi ) le
a nupi Daw Aye Aye Tin ,( Asho Chin asi ih child care le sunday school a zirh ru asi ) , nauha 60 lenglo ca tla an zirh ih Pathian thu le Pathian hla pawl tla an zirh theu . An khua mi zaten krifa an si thie ding zum nak thawn kan hmai  2013 kum cem ah cu Church pakhat ih din thei ve dingah kan tumtah mi cu asi.
Kumkhat ah kawl tangka ting 25 kyats ( 2,500,000.00 kyats ) hrawng cem ding mi asi,
Pathian zarah kan mah ACBC ih bawm mi rori in Kawhhran pakhat dinsuak thei ding ruangah mal in sawm tu kan Pathian hmin kan thangthat asi, kan thlacam nak
 cia ah ciing mang ringring ding tla kan lo dil bet duh.

 E & M Sumpai:
                 E&M committee sungah sumkil ( treasurer ) nei lo in kawhhran lungkimin bupi trasurer in a kilcih,Kawhhran sungih E & M lam hman duhnak le Yangon lam kuat tulmi khal amah in in kuat sak ttheu. E&M sunday  kan ngahmi sumpai le zumtu pawlih hlumi ( zumnak thu tiam ) pawl cu E&M sumlut lam asi. Kawhhranbupi ih sumkil Treasurer Report sungah kan hmu ding.

Thuneknak le sawmnak:

              Kum 2010 sungah thu le hla a phunphun a um ruangah E&M cangvaihnak thil tampi tuah thei lo in um  hman sehla , ti thei tawkin Thlarau Thinghlim lamhruainak thawngin tuah suakmi tete kan nei-ih lungawi nak tampi kan nei. E&M pawl ai-awhin ACBC sungtel pawl hnenah zaangfah lo dil ka duhmi cu Pathian hnattuan kan cak sinsinnak ding le  Pathian hmin sunglawi vivonak dingah sungtel miseenpi kan bawm-awk-ton kan tul.E&M hnatuannak hrangah thlazacamsak nak thawn in cingmang ringring hram uh!.Thlarau hlomi rundamnak tlamtling an ngah suak theinak dingah ,hi hnatuan nak ahhin mipum telpinak thazaangin siseh,ruahnak thatha peknakin siseh,sumpai lam tanpinakin siseh in taimakpi cio hram uh.
Pa Pathian ram a karhzainak ding hrangah,sungtel zumtu pakhat cio nang na tel hrimhrima tul tin Bawi Khrih hminin lo sawm ka duh hai asi ( james 4:17 )
              2010 kumkhat sungih kan ti suak lomi le hlawhtlin lonak kan neihmi parah in ngaithiam hram uh tiin zaangfah lo dil kan duh. Cuticun ,2011 kumthar sungah cak sinsin le tha sinsin in
Pa Pathian hna  tuannakah kan zuam cio pei ti lo sawm phah in,,.. 
Pathian in kan zaten parah a thar in thlawsuah nak in pe hram seh,,,

Bawi khrih sungah,

Chairperson
E & M Committee

..................................................................................................................................................................

DearPastor Khaw Lian Uk,

Krihhmin in nan sungza le ACBC nan zaten nan nan kut ka rak lo kai. Missionary thlah mi thu thawi pehpar in ca ka rak lo kuat tlai deuh ih in rak ngai thiam hram aw. A hleice inACBC mino pawl ih Missionary in rak cawm sak hrimhrim kawhran aiawh in kan lunga awi tuk. Cu le Missionary pakhat in rak cawm sak mi hi “ Salai Phyu” asi.

Athuanthu tawi:-

SalaiPhyu hi 1980 kum ah a suak. A mah hi Asho Chin a si. Kum 20 a tiah a piangthar. A suah nak khua cu “ Nga Pin khua” a si ( kawltawng ih a sullamcu zangzel khua ti nak a si). Amah hi patê, a san lam hi Pi 4 le letmah 10hrawng a si. Kum2005 ah Mel Chit thawn in sang an din. Tu ah fapa pakhat “ Jubila(Jubilee) le fanu “ Phyu Chit” an nei.

Bible Tlawngkai:-

Kum 2000 ih Shiloh Bible Tlawng kan phuan ih sin  a hmaisa bik kan tlawngta a si. Kum li sung kan  hnenah a kai ih B.Th degree thaten 2004February thla ah a theh. A mah hi tlangpar Asho khua hmuahhmuah lak ih B.Thdegree theh hmaisa bik a si. Cun, an miphun hi a seherh ngaingai.

Rawngbawlthok:-

2004 ih Bible tlawng a theh veten a damsung Pathian rawngbawl ding in a pum a pe awih  an mai mi phun um nak ah tiah “ PyayKhua( Pi khua), bago division ah kan hi thlah. Kum hnih a um nan a hlawh tlinlo tik ah thlacam nak in “ Swe Taung khua” ah kan thon lala. A cozah hnatuanpawl thawn khawm awk nak thazet an nei zo nan, khua dangdang ah cozah in thawnhai tikah a bei a dong zet lawk. Asinan, Pathian hnenih thlacam nak in Pathianin 2008 March ah “Uhsitpin  khua” ahrawngbawl a thok.

Kawhranthar din:

Pathianih lam hruai le thlawsuah nak ruangah Kum 2008 September thla in Uhsitpin khuaah kawhran a din thawk ih a thok ah cun a malte nan tu ah cun inn 7 an si.  An kawhhran sungah Asho Chin , kawl le Karenpawl an tel.

Tui a rawngbawl nak

Uhsitpin ih kawhran kil khawi phah in Ngiang Chi Tauk khua le Mindung khua lam ah rawngbawl nak a nei theu.

Uhsitpinkhua:-

Uhsitpinkhua hi Pyay( Pi) khua le Mindung karlak ah a um. Cun, Pi leMindung le Tawngkuk, Rakhine feh nak zin tawn awk nak khua a si. Hi khuaah hin Asho mi phun inn 40 lai khua sia bia mi an um. Khaw te vek ,khawpi  vek a si. Nan, khua thangso rero a si.

Vision:-

1, Uhsitpin khua kiang khua hnih ih kawhran din thei ding in


(1 2) Asho miphun khawsia biapawl khua ih kawhran din vivo thei ding in le

(2 3) Uhsitpinkhua ih  thlakhat Bible training nei thei ding le

(34) Asho miphun mi farahrethei pawl hrang ih boarding school din sak thei ding in.

Thlacamsak tul:-

1.     2011 ahThlarau hlo 10 talKum 2011 ih kai thei ding in

2.     2011 Kawhran inn 5 talkarh ding in

3.     2011 Crusade vei hnih taltuah suak thei ding in

4.     Biak Inn hmun lei ih Biakinn sak thei ding in.

Hivial hi Salai Phyu thawi pehpar aw in ka rak lo sim thei tawk si hrih sehla.Thla khat or thla hnih vei khat a rawng bawl nak report ka rak lo pe tum ding.

Nanhnenah Pathian thlawsuah um camcin seh.

Krihih nan hnatuanpi,

PastorAndrew Bawi Ceu

FaithBaptist Kawhran

Mandalay,Myanmar